تمنيت شوفك يا علم لفّاتنا

تمنيت شوفك يا علم لفّاتنا

قصيدة ألقاها الزجّال اللبناني الكبير ..

عملاق الزجالين طليع حمدان

بمناسبة زيارة الشيخ أمين طريف -ر- للبنان

*****

تمنيْت شوفك يا علم لفاتنا طليْت من خلواتك لخلواتنا

ولا فرق بين تراب او ثاني تراب ما زالها تراباتك تراباتنا

طل يا شيخ الفضيلة والصواب لازم نشوفك يا بطل بيْناتنا

وتاتلبس الأرزات من طهرك ثياب وتنشر خيالك عَ مجد أرزاتنا

يا شيخ ياللي صلى وحمل أشرف كتاب منستقبلك بقلوبنا ودماتنا

وتا يخف عنّا بهالوطن حمل العذاب بدنا السلام يطل مثلك عالوطن

ويحمل معه أفراحنا وبسماتنا

طِل عالبنان طلات الغدير عَ زهور عطشانه لدمعات العبير

وكيف الجليل وكيفهم هاك الحقول اللي سقيتهم من قلبك الْكلّو ضمير

عمر السنة محسوب من اربع فصول ونحنا فصل واحد بتقرير المصير

ذات الزرع ذات العطش ذات الميول ذات الزهر ذات النحل ذات القبيل

وميثاق واحد ما عرف نجمه الأفول وجسم واحد بالجوانح عم بيطير

ولولا انظلمنا هون بسنين الخمول أهل الجليل بيحملوا معنى كبير

يا شيخ للزرع إلتقى بكفوفك سهول وقلبك وطن وجبين البدر المنير

وبيتك بالجليل مرجع للعقول وهون عِنّا بيت لبناني شهير

بالرغم ما صرنا بهالمدة نقول يا ألف زرق الله عَ أيام الأمير

وهالبيت مهما البيوت تزول مش ممكن يزول

هالبيت بعده بيت لبنان الكبير

وهلّق لهالأمة شو بدّي قُلها راح قلها كلمة تجي بمحلها

نحن الأساس بأرض لبنان الجميل والأرض ما منقبل حدا يحتلها

تأكد يا شيخ العقل يا سيف الصقيل هالأرض زهّر من دمانا فُلها

الأرزة الي نحنا وعمرها من فرد جيل بظلنا عاشت وعشنا بظلها

نحنا أهل لبنان يا شيخي الجليل ما منترك أرضنا تانذلها

وهيك ظلوا بأرضهم دروز الجليل ولو مثلهم كل الخليقة بيعملوا

كنا إرتحنا من المشاكل كلها

درزي اللي بقلبه للسلام بنفسجي عزمه بيوم الحرب مدفع حربجي

عملوا سلطان باشا منهجو ما يترك الأرض ال بجنحه مسيّجي

وهيك بعدين بإسمه توجّهوا قال عيشوا بأرض فيكن مُنتجي

وهيك ابو شقرا بعبير بنفسجي ديِّن تقي وللعزم صرخة ملهوجي

وجيتوا على البيت اللي الله سيّجوا من اسرائيل بهالظروف المُحرجي

ومش أول المرات عالبيت بتيجوا جيتوا كثير وصوبكم رحنا كثير

بفضل التقمص عم نروح وعم نجي

بحياة طُهر الشيخ بو يوسف أمين نحنا بلبنان الوحش مش خايفين

ومش ناطرين يدافعوا عنا العرب نحن مدافع عن وطنا مدافعين

قالوا ببركة موحد بتنجا سراب بتعمر جزيري عا ركايز ماكنين

نحنا تراب الأرض عنا ما غرب بدل الموحد هون عِنّا موحدين

ومن هيك مهما المدفع المجرم ضرب نمنتمرايحة الأرض وما نحنا رايحين

وما تفزعوا تا خُصّنا ينال العرب بدها تظل الأرض فينا معلقة

ونحنا بهالأرض الحبيبة معلقين

هيك معلمنا ورجالنا اللي هو زرع فينا البطولة والحماس

وما في مرة ركع بجبالنا غير وقت اللي علم لبنان باس

يا أميرنا بعدك بطل أبطالنا لو زاد عُمرك لا تقول القدر خاس

بعدك مربي رجالنا وأجيالنا وشجرة (خمودك) لا تخاف من اليباس

كل ما مرق عَ السنديانة خيالنا بقلّك كيفو الأمير برفع راس

انت الأساس بمجد استقلالنا ولو صار عنّا ميت راس بهالوطن

بدك تظلك بهالوطن إنتِ الأساس

والله يريّحك وتظل مثل الأرز يا أخضر بديع

ويبقى جبل لبنان قلعة افتخار ونعيش إخوة بصدر هالبيت الوسيع

ويا عم بو يوسف امين بهالديار بدّوا رضاك وغيرتك إبنك طليع

اللي مثلك بيهدونا عَ درب الإنتصار يرحم الهجري الأحمد اللي مجدو رفيع

ويا مشايخنا يا لفات الوقار أنتو إسهروا علينا بهالدين الشفيع

إنتو إجمعونا مثل باقة من قمار حاجي نفرّق بين وردات الربيع

ليش توزيع القطيع بكل دار خلّوا العقل راعي تيجمع هالقطيع

نحنا جماعة لا يمين ولا يسار بيهمّنا الإيمان يجمعنا سوى

وبيهمنا لبنان يبقى للجميع

بتمنى تنال إعجابكوووو

الأعجاب قليل

والكلمات التي تخرج منك

تفوق الأعجاب بكثير

أثمارآآآ تنسجيهاااامن بلاد الخليل

ومدح يتلألأ

في وسط هذااا الدليل

أبقي سيدتي كماا أنت

وأتركي كلامي في وسط مرساكي

وأتركيني أعبر بلااا دليل

سلمت يداكي

من لا يعرف طليع حمدان

الزجل من أفوههم صدى لا مثيل له

وأيضا" أختيارك يا صديقتي لا مثيل له ابدا"

أشكرك

تحياتي لك ِ

الغاليَين

ســــــــــــــليماان

وأحبااب

أشكر لكما ذوقكما الرفيع

دمتم سالمين

وأحييكما لمروركما

لك مو رائعة هاى بتجنن

لك يسلمو خيتا مزوقة

ابو ماهر كتب:: لك مو رائعة هاى بتجنن

لك يسلمو خيتا مزوقة

وجودك بيناتنا هو اللي بيجنن

يسلمووو يا زووق

وبتمنى شوفك منور دايماً

» خليني شوفك بليل خليني شوفك

حببت أن أفتح متصفح اجتماعي نوعا ما و نسوي فيه عمليه ربط لعبارات و أمثله بواقعنا اللي نعيشه ,, وهل فعلا كل ما نسمعه نطبقه !

إن توفّر العوامل المسآعده لآكتساب الحقوق الانسانيه العامه وحقوق المراة خاصه أمر فرضه ديننا منذ …