رسالة مستعجلة ....!!!!!

قلتلها أرفعي صوتك قالت ما بيه أرسال
البارحة جاني مـن الحـب مرسـال
من عقب ما بينـي وبينـه خصيمـة

وانا ترى في الحـب مانيـب فعّـال
ولا بعـد ولّـع بقلبـي هشيـمـه

ولا بعد غنّيت فـي ساعـة وصـال
ولا بعد ذقـت الفـراق وجحيمـه

ولا جرى دمعي على الخـد همّـال
ولابعـد جربـت مــرّ الهزيـمـة

حتى وردنـي تالـي الليـل جـوال
وانا على شاي وبسكـوت ديمـة

الرقم بايخ لكـن الصـوت قتـال
كنه مثل صـوت المذيعـة حليمـة

قالت مساء الخير يـا طيّـب الفـال
قلـت ارحبـي ترحيبـةٍ مستديمـة

بالعود والصفـري ودلـة وفنجـان
واجبك يا بنت الأصـول الكريمـة

ردت بضحكة ثم قالت وش الحـال؟
قلت اشهد إن الحال عقبك سقيمـة

قالت وهي تضحك بعد مثل الأطفال
وأنا بعـد كنـي بدونـك يتيمـة

من يـوم قالتهـا تزلزلـت زلـزال
من فجعتي كنـي مسـوي جريمـة

قلت ارفعي صوتك ترى مابه ارسال
كـذاب لكـنّ المصيبـة عظيمـة

قالت أقول اسمع ترى هرجنـا طـال
ممكـن تصاحبنـي ترانـي وسيمـة

واسمي الحقيقي أول حروفـه الـدال
لكـن يسمّونـي البنـات الزعيمـة

صحيح أحب الفخفخة واعشق المال
لكـن ترانـي طاهـرة مستقيـمـة

ما عندي امغازل ولا (لعب جهّـال)
ما عندي إلا في الشرف والحشيمـة

بس الصراحة قلبي لشوفتـك مـيال
واصبحت وحدك جالسٍ في صميمه

فكّر بعقلك واترك القيـل والقـال
واحذر تطيع اهل العقـول العقيمـة

وارسل علي الحين خمسميـة ريـال
أشحن بهـا جـوال أختـي غنيمـة

أو طقم غالي فيه خاتـم وسلسـال
أروح بـه فـي عـرس ولاّ عزيمـة

قلت الحقيقة مانيب رجـل أعمـال
ولانـي بتاجـر والمـوارد عديـمـة

أنا الصراحة شبـه عطّـال بطّـال
وعلاقتـي بالفقـر جـداً حميـمـة

والراتب الله يرحم الحـال مـا زال
محـدود والمصـروف ربـي عليمـه

والدين بـالآلاف والبنـك شغّـال
ياكـل فلوسـي بالربـا والظليمـة

والسوق طايح والغلا ضيّـق البـال
والموت والله صايـر اكبـر غنيمـة

قالت تحمّل بـس والحمـل ينشـال
خلك شديد الباس صلـب العزيمـة

ياخي تصرّف جعلك اتصيـر نشّـال
أهـم شـي إن النوايـا سليـمـة

لابد تفهمني علـى كـل الأحـوال
ما دمت من أهل العقـول الفهيمـة

قلت إيه والله فاهم اللي على البـال
لكن تـرى هـذي علينـا قديمـة

يا بنت هـذا صايـر اليـوم مـوال
للي تبي تلعب علـى ابـن اللئيمـة

يا بنت ما تدرين كـم فيـه محتـال
يلعب على الحبلين وانتـي غشيمـة

يا بنت كم من جاهلة دمعها سـال
من عقب ما جات العواقب وخيمـة

والبنت لا اقفى عرضها بيد الأنـذال
والله مـا يبقـى لهـا أي قيـمـة

قريت اليوم رسالة تحتاج طول البال
كأنى بشاهد مسرحية رية وسكينة

والفارس بأوصافو عريس كعبد العال
ولو راجعنا الرسالة كأنها كنز وغنيمة

ما غير نفسى أفند حروفها متل المقال
وأنظم عليها تفسير ما به عطل وشتيمة

البنت لو رمت نفسها ونوت للغنى موال
ما يصعب عليها أبو زيد وعنترة ومثيله

لكن لو قالت تبى منى من الجواهر ومال
ما عدها أصيلة ولا هي مسلسلة ولا فطينة

خلنى اوجز بالقول وافهمو منى بالحال
ما كل رياح هزت الشجر اقتلعت المدينة

الأصيلة ما همها غانى ولا حمال ومرسال
الأصيلةمن ورا الفارس وهذى حكمة قديمة

ألفت رسالتك وصلت ولكن عندى سؤال
من الى كتب وقال وانظم حروف كأنها زينة

واختم بالشكر وابعث لك تحية ومرسال
تواجدك معنا مكسب لنا واكبر غنيمة

سلمت يمينك يا ألفت على نقل هالقصيده

وصح لسانك يا أبو ماهر على هالرد

بيسوى ثقلو ذهب

تحيااتي

سلمت يداكي سيدتي

على تلك القصيدة

تحياتي

القصيدة غير كاملة صديقتي

فيا حبذا لو نقرأها كلها

الغالية ألفت

دام التزامك للأبجدية جنوناً
مطلق السعادة

ودمت ِ لنا سعادة أبدية ...

الليث

كل الشكر لك أخي أبو ماهر على الأضافة الرائعة جدا
وهذه القصية منقولة أخي الكريم وعلى ما أظن قد وضعتها في المكان المناسب لها
أخي أحباب الروح نورت الصفحة بمرورك الكريم
والصديقة ناني شرفتي صفحتي بمرورك الجميل
صديقي الليث على ما يبدو انقطع الأرسال عند هذا الحد من النقاش بينهما
على كل حال مرورك الكريم هو الذي أسعدني
مشكورين جميعا
مع التحية والتقدير

» رسالة الى ابن ادم
» رسالة حب
» رسالة
» رسالة الى الروح ..
» رسالة الى ابو ماهر

حببت أن أفتح متصفح اجتماعي نوعا ما و نسوي فيه عمليه ربط لعبارات و أمثله بواقعنا اللي نعيشه ,, وهل فعلا كل ما نسمعه نطبقه !

إن توفّر العوامل المسآعده لآكتساب الحقوق الانسانيه العامه وحقوق المراة خاصه أمر فرضه ديننا منذ …