الملك القبضاي و بناته الثلاثة

الملك القبضاي و بناته الثلاثة

كان يا ما كان في قديم الزمان. ملك قبضاي عنده ثلاث بنات
حب في يوم من الأيام انه يختبر حبهم الو

جاب الكبيرة وجه الصحارة

وقالها : يابا يا حبيبتي قديش بتحبي بيك الملك???

البنت من غير تفكير : بحبك قد ما السمك بحب البحر

الملك فكر وقال بنفسو: ايوا السمك ما بيقدر يعيش بدون بحر هاي البنت بتحبني كتير

وقال الها : أنا كنت عارف انك بتحبيني بس مش لهدرجة . وقام اعطاها قصر كبير
ومجوهرات
ومطعم وقضامي

جاب البنت التانية وهي الفهماني

وسألها نفس السؤال

فقالتله : بحبك قد ما الطير بحب السما

انبسط الزلمة وكيف . وأعطاها قصر جنب أختها ومجوهرات وملبس وشكولاته

بعدين جاب البنت الصغيرة اخر العنقود دلوعة بيا

اللي بموت فيها… وسألها نفس السؤال .

قامت جاوبته : بحبك قد ما الدقة بتحب الشطة

الزلمة زعل وعصب وقام لفحها كف خلا أيديها و رجيلها اربعة ومسكها من شعرها

وزتها برة القصر . وما رضي يسمع منها ولا نص كلمة . البنت دارت بالحواري وعلى

أرصفة الطرقات وتسمع كلمة من هاد وكلمتين من هداك . لغاية الله حن عليها و

أجاها مزارع مسكين على باب الله حبها وحبته وراحوا سكنو بالكوخ تبعه اللي بنص
الغابة

ودارت الأيام ومرت الأيام ما بين بعاد وخصام

وفي يوم من الأيام كان الملك قاعد بتصيد بالغابة ونسي حاله وسرح وضاع

بالغابة.

دور على المرافقين . فش حدى قر . طب الحرس . وين الشباب؟؟؟؟؟؟؟؟ لا حياة لمن تنادي

وين راحو النشامة فش حدى

ضل الملك يمشي ويمشي

لغاية ما لقي هالكوخ لصغير قال يلا بفوت برتاح وباكلي لقمة.

دق على الباب فتحلوا صاحب البيت وهو مش عارفه. دخلوا جوا وهو شايفه تعبان وصار
يحكي مع الزلمة

مرتو مش غريب عليها الصوت.

قام الزلمة بيقول للمرة اذبحيلنا جاجتين خلينا نتعشى ونعشي الضيف.
المرة مين طبعا ؟؟؟؟؟؟؟؟؟
واضحة بنت الملك المقصوفة الذيني الصغيرة

بلشت تشتغل بالجاجات وخطر على بالها فكرة. نادت جوزها وقالتله خود شوية الدقة

هاي مع صحن زيت سلكو فيهم لغاية ما يخلص الاكل شكله الزلمة ميت من الجوع

والله الزلمة عجبته الفكرة وقام حط الزيت والدقة قدام الملك

وقاله: اتفضل يا عمي على بين ما يجهز الاكل . الملك ميت جوع وهو بحب الدقة كتير.
ما بلع اول

لقمة ولا صار بده يستفرغ

وصاح بالزلمة : ولكو شو هذا دقة من غير شطة ؟؟؟ كيف بتاكلوها

اجدب انت

وفجأة اتذكر بنته الصغيرة وصار يبكي مثل الاجدب . قاله الزلمة: ولو شو صارلك يا

زلمة انت العاقل . كل هاذا مشان شوية دقة اسى الجاج بخلص...شوية صبر...شو

هالعالم اف

راح الملك حكى للزلمة القصة . وهو خلص من هون نطت البنت وقالت :

بخخخخخخخخخ ،،، كيفك يابا؟ عرفت قديش بحبك يا اهبل ؟؟؟؟؟؟

وهيك عرف الملك قديش بتحبه بنته . وجابتله دقة بشطة . طبعا ما أكل منها ولا

لقمة لأنه نزل بالجاج جرد

و أعطاها قصرين ومجوهرات و سوبر ماركت و كروز دخان علشان هي بدخن،ومحل بوظة وشغل

جوزها شفير على باص صلخد

وبسلمتكون حكيتها حكيتها وبالمنتدى حطيتها

زينة

الله عليكي يا زينة قصة بتجنن ضحكت من نص قلبي و سردك للقصه اكثر شيء عجبني ...
و ما لقى يجوزها غير لشوفير باص على خط صلخد

...
تحياتي لالك زينة نورتي المنتدة ..

والله يا زينة قصة جميلة

دخلت لأضع ردي هناااا

هههههههههههههههههههههههههه

مشكورة زينة

قلتيلي شوفير باص مااااااااااااا

هههههههههههه

أهلآآآ بك صديقتي نورتي الروح
أتمنى منك المزيد

يااااا أهلاااااااااااااااا

عاصم العرموني
أحباب الروح
أسعدني مروركم على موضوعي
فشكرا لكما
تحياتي
الملك القبضاي و بناته الثلاثة Icon_flower

الصديقة زينة تحياتي لكِ في البداية ..
قصة ممتعة وطريقة سردك للغتنا الجميلة أغنت القصة الكثير من الابتسامة الجميلة

زينة صديقتي مرحباً بكِ في روح السويداء وتحياتي لكِ

» (( قصة العبادلة الثلاثة ))
» نور الملك اهلا بك بيننا
» الف مليون هلا وغلا ب الملك و ممدوح
» افتراضي زوجات الملك الأربعة
» الملك سليمان الحكيم والنحلة

حببت أن أفتح متصفح اجتماعي نوعا ما و نسوي فيه عمليه ربط لعبارات و أمثله بواقعنا اللي نعيشه ,, وهل فعلا كل ما نسمعه نطبقه !

إن توفّر العوامل المسآعده لآكتساب الحقوق الانسانيه العامه وحقوق المراة خاصه أمر فرضه ديننا منذ …