الموت ارحملي من اشوفك مع الغير

تمنيتك علي تقبل .. أشوفك مبتسم فرحان
وأشوف اهلك يغنوا لك ولدروبي يزفونك

وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك

وملاك السما تحفك بنور الرازق المنان
عليك اسم الله يا لغالي.. وعمت عين لــ يحسدونك

تسابق لجلي خطواتك تجيني محترق لهفان
وأحط يدي على قلبي واقله جاك مفتونك

وتفتح طرحتي بيدك وأتوه بسحرك الفتان
يا عمري والله خجلانة وميته بنظرة عيونك

يريحني كلامك لي..يا محلا ليلة العرسان
وتعاهدني بتوفي لي وأعاهدك أني ما أخونك

مضى عمري وأنا احلم واظم طيوفه بالأحضان
واسأل ليلى يا ليلى شسويتي بمجنونك

تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك

خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك

فضحني صوت شهقاتي ورجيت الواحد الديان
يخليها ويقدرني أضمّد جرحي من دونك

أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك

وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك

غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك

وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك

يقولون ادفني ذكره يقولون انسي اللي خان
قسم بالله ما بنساك ولو هالكون ينسونك

تروف بحالتي سارة وتحلف والله هو خسران
يواسوني رفيقاتي يقولن كلنا عونك

كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك

أنا مابي مهر منك ولا شبكة ولا فستان
طموحي احتضن حزنك وازين بالهنا كونك

أبيك تكون لي وحدي بديره مابها سكان
تنومني بوسط عينك وتلحف جسمي بجفونك

غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك

وش اللي مو حلو فيني كسرت بخاطري يفلان
خبر عرسك قضى فيني هلكت قليبي بطعونك

(مزن )ضميتها وبليت شعرها بمدمعي الهتان
يعمري خلو الخالة وعساهم ما يخلونك

يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك

أسف والله أسف مكتوب أهيم بسكة الأحزان
ومكتوب ألقى بنت الناس بدالي تعيش في كونك

يشين اللحظة ذي والله تمنيت البس الأكفان
وأشوف الظلمة في قبري ولا بغيري يهنونك

يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك

أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك

بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني

فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني

زماني مارحم ضعفي هزم حسي وتحداني
(((عهد))) في قبري ما بنساك تعال وزورني عاني

بحس إنك علي ولهان ، وبفرح وســــــــــــــــــــــــــــط تربـاني

ما هذا القلم الحزين الذي تكتب به ولما كل هذا هذا الحزن
أبيك تكون لي وحدي بديره مابها سكان
تنومني بوسط عينك وتلحف جسمي بجفونك
اتمنا ان لا يعرف الحزن طريقا لك اخ زين

شكرا لك اخت شمووووووووووووووووووس على مرورك المتواضع

زائر

ايها الصـــديق

اسمح لى أن امكث هنا ولو قليلا

فـ كم امتعنى عذوبة الموقف

حقا رمزا للجمال تلك الخاطرة
ونموذج العذوبة هو انت

صديقي الغالي اعتذر

لردي البسيط

بسبب مروري في احد مواضيعك

واعطائك حقك في التعبير

لكن ايها الصديق لم تعطيني حقي

في الرد والتصوير

ودي وورودي لك

واعتذار الشديد لك

اخي الغالي بركان حقك علي
بس ما تزعل مني اخي ضيق الوقت احيان بيحكم علي انو ما اقدر رد على مواشعك بشكل لائق ما تزعل مني اخي الكريم تقبل مني لك كل الاحترام اخي بررررررررررررررركان

» الموت
» إن الموت علينا حق ... !!
» كيف يزف المحشش خبر الموت

حببت أن أفتح متصفح اجتماعي نوعا ما و نسوي فيه عمليه ربط لعبارات و أمثله بواقعنا اللي نعيشه ,, وهل فعلا كل ما نسمعه نطبقه !

إن توفّر العوامل المسآعده لآكتساب الحقوق الانسانيه العامه وحقوق المراة خاصه أمر فرضه ديننا منذ …