الشعر الطويل للرجل ... شباب كول .. مو هيك

تحية طيبة وبعد

الشعر الطويل للرجل .. هل هو انتقاص لرجولته ؟؟؟

ظهرت في الفتره الاخيره ظاهره قيام ااشباب بتطويل شعورهم لدرجه انه قد يصل الى نص

ظهورهم !!! مع ان الرسول صلى الله عليه وسلم كان شعره طوووويل بس شبابنا اليوم يطولون مو بقصد اتباع الرسول بالعكس

قصده اتباع الموضه وتقيلد بعض الفنانين او لجلب الانتباه مثلا

((((وانا من رائي ان تطويل الشعر يتناسب من شخص لثاني ... وما اظن ان تطويله او تقصيره له دخل بانقاص الرجل من

رجولته لان الرجوله برأي مواقف وليست مظاهر ... وطوله يكون معقول ))))

* الزوجه عندما تجد ان زوجها يقوم بهذا الشئ كيف تنظر لهذا الموضوع هل تطلب منه تقصيره او قصه ؟؟؟؟؟

* الرجال الذين هنا في المنتدى ما راْيكم في ظاهره تطويل الشعر ؟؟؟؟

* يا بنات ياشباب هل يجذبك رجل بشعر طويل ؟؟؟؟

* الشعر الطويل للرجل هل هو انتقاص لرجولته ؟؟؟؟
شباب كول مو هيك

مع انو كل انسان حر بتصرفاته
وكل مين محاسب عن نفسه وعمله
انا كبنت بلاقي الشعر الطويل للرجل انتقاص وقلة هيبة
وهالشي أبداً ما بيجذبني .. بالعكس
طول طبيعي يصل لأول ياقة القميص معقول جداً .. غير هيك ما بحبذ

سليماان صديقي
عنوان موضوعك لفت نظري
أنا اعطيت رايي الشخصي
ألف شكر لطرحك
ولكَ ودي

اعتقد ان الشعر الطويل من خصائص المراه
عكس ان الشعر القصير من خصائص
الرجل
فالرجل بالشعر الطويل شكله غير لايق وغير مناسب له
وكذالك المراه
بالشعر القصير فلكل منهم خصائص ومزايااااا

سليمان الغالي أعجبني الموضوع

فودت تقبيل الموضوع

بالشكر

تحيااااتي

موضوع كتير حلو صديقي يسلم إيديك

أنا أبدا ً مابحب الشعر الطويل على الشب
لإنو الشعر الطويل طول عمرو بيكون على البنت مو عالشب

بصراحة أكره عليي شوف شب شعرو طويل

تحياتي وتقبل مروري

تحياتي لكم

كرأي شخصي هناك الكثير من يصير بلغيرة من شب لأخر وهناك شباب يقمون بهذا التصرف للفت الانتباه وايضا" منهم يحب الشعر الطويل لجماله او لنعومته وهناك أيضا" لعدم وجود الرجولة الكافية ( لقد أصبحت كثيرا")
لعلى لا يوجد أختلاف في الأراء التنيجة ظاهرة امامكم وهي بأن الشاب ليس له هذه التصرف او هذه الأشياء

أقدم أحترامي وتقدير لكل من :
ناني
أحباب الروح
مروة
لحضوركم وتقديم رأيكم القيم لكم مني أرق التحيات أصدقائي

شكرا الك سليمان موضوع كثير حلو .,..
اني بشكل عام ما بحب الشعر الطويل على الشب لانوا الشعر الطويل كل عمروا ليدل على الانوثة ...
و الشيء نسبي حتى على المرة الشعر الطويل كثير مش حلو ..
الرجوله برأي مواقف وليست مظاهر....
سليمان عمرك شفت واحد مربي شعروا لعند نص ظهروا ما بدنا نطولوا اكثر من هيك و رايح يعمل عقدة راي .. الرجولة احترام و الشعر الطويل على الشب انتقاص لرجولتوا .....

طبعا مع احترامي للجميع هدا رايي الشخصي ... ..

مساء الخير سليمان ومساء الخير لكل الاصدقاء

انا برأيي كل انسان الو مظهر خارجي بدل على شخصيتو وانا مابحب الشعر الطويل للشباب

ولما نقول عنو رجال لازم يكون بكل معنى الكلمة

صديقي تقبل مروري

الشعر الطويل للرجل ... شباب كول .. مو هيك Icon_wink

اخي سليمان موضوعك جميل
وشيق ويستحق النقاش
ولكل شخص بها المنتدى وجهة نظر
وهوني كل واحد الو رأي
رأي مثل رأيك ورأي غير بيختلف عني وعنك

انا رأي بقولوا انا انسان جبلي درزي ضد عقلي شوف ابني مربي شعروا بجن

بس ياخي في ناس الها وجهة نظر ثاني

خلينا نحكي بصراحة وبعيد عن المجاملات وعن الردود الي تفضلوا فيها اخواتي الأعضاء هنا
لكن اسمحو لي ان اتكلم بصراحة قليلا فاالشعوب العربية اصبحت تنظر الي ظاهر الشيئ ولم يعد يهم الجوهر
للأسف اصبحنا نحكم على الناس من منظرهم وليس من خلال تعاملنا معهم
وليس الحكم على الأنسان من مظهره اريد ان اعرفك من الداخل ولايهمني منظرك الخارجي اريد انا احبك في الله
وتحبني في الله الرجل الذي يطول شعره لايفعل ماهو محرم فهو امام الناس جميعا وامام الله ولكن يوجد غيره الكثيرين شباب وبنات يفعلون في الخفاء مايغضب الله ويظهرون امام الناس بأحسن صورة ونسوا ان الله يراهم
ألم اقل لكم اننا اصبحنا نهتم بالظاهر وننسى جوهر الأنسان
نهتم بالقشور وننسى جوهر الأمور
لايهمني من تكون ماهو اصلك وفصلك اريد ان اكون معك علاقة صداقة
وحب في الله
اريد ان استفيد من تجاربك وتستفيد انت ااريد ان تكون عونا لي وناصحا ومحفزا لي في الحياة
لايهمني لون بشرتك ابيض ام اسود لايهمني ان كان شعرك طويل أم قصير
غني ام فقير اريد ان اعرفك من الداخل ولاتهمني القشور الخارجية

Assem Al aramouni كتب:: شكرا الك سليمان موضوع كثير حلو .,..
أهلا" صديقي عاصم وشكرا" لحضورك
اني بشكل عام ما بحب الشعر الطويل على الشب لانوا الشعر الطويل كل عمروا ليدل على الانوثة ...
هاد الشيء اخي الطفل الصغير يعلم بهذا لكن بعض الشباب لا يكترثون..
و الشيء نسبي حتى على المرة الشعر الطويل كثير مش حلو ..
نوعا" ما نقول عن الانثى عندما يكون شعرها طويل تملك شعر طويل جميل وجذاب اتكلم عن الأغلبية ...
الرجوله برأي مواقف وليست مظاهر....
نعم صديقي هي مواقف وليسَ مظهر خارجي
سليمان عمرك شفت واحد مربي شعروا لعند نص ظهروا ما بدنا نطولوا اكثر من هيك و رايح يعمل عقدة راي .. الرجولة احترام و الشعر الطويل على الشب انتقاص لرجولتوا .....
هذا الرأي لم نختلف عليه اخي وهكذا هو الرأي الصحيح

طبعا مع احترامي للجميع هدا رايي الشخصي ... ..

اخي عاصم كل الشكر لك وطبعا" أحترم وجهة نظرك
لك ودي

الغالي سليمان

اسمحلي وجه كلمة لخيي عاشق الليل

اللي أبدع برده .. واضح انو رايو سديد بينمّ عن ثقافة واسعه وادراك كبير للحياة ومجريات الامور فيها

ونظرتو للمجتمع والناس اللي عايشه فيه

خاصة بحكمهن على المنظر الخارجي والمظهر بعيد عن الجوهر والي هو الاساس

ما بعرف خيي عاشق جايز منلتقي بطريقه غير مباشرة حول الجوهر والمظهر او انو ما منلتقي

لأنّي بظن انو في علاقة ووثيقه في كثير من الاحيان بين الجوهر والمظهر الخارجي

حسب رايي .. في كثير من الاحيان المنظر هو مرآه ... وانعكاس للجوهر في كثير من البشر

او بشكل أدق هيك المفروض يكون ...

يعني تخايل لو ما في ترابط بين الجهتين وانو المنظر منّو انعكاس لدواخل الانسان .. تخايل معي شيخ خاتم يعمل وشم

او شيخه مكمّله تطلع لابسي خلخال

ما بيمشي هالشي وما في ترابط ..بمعنى انو المظهر والجوهر لازم يكملوا بعض .. وبمعنى انو المظهر الخارجي مكمّل لروحانية الداخل

وانو منهتم بالقشور ومنترك الجوهر واللي هو الاساس مش شي سليم ابداً !!!

وبالاخير لو الرجّال جبلي ..حمِش .. معجون بتراب الجبل وشموخه وعزّته وعنفوانه ودرزي اخو اخته ما بظن يربيلي شعرو

هذا رايي بتمنى منك تتقبلوا

وبالاخير الناس قناعات وكل مين عندو راي وواجب علينا نحترمه

تحيااتي خيي ..

وألف شكر لوجودك المميز بيناتنا

قمر كتب:: مساء الخير سليمان ومساء الخير لكل الاصدقاء
مسا النور قمر
انا برأيي كل انسان الو مظهر خارجي بدل على شخصيتو وانا مابحب الشعر الطويل للشباب
قمر المظهر الخارجي ما بدل على شخصية الانسان في كتير اشخاص شخصيتهم بدل على الضعف لكن بدخلهم قوة كبيرة والعكس صحيح المظهر يغش كثيرا" ...
ولما نقول عنو رجال لازم يكون بكل معنى الكلمة
هاد الشيء صديقتي جميل في الرجل والانثى تحب الرجل القوي (بكل معنى الكلمة)
صديقي تقبل مروري
أشكرك صديقتي قمر لحضورك ووضع بصمتك

تحية طيبة وبعد ..
تقييمنا للأشياء و نظرتنا لها لابد أن تتوافر فيه نقطتان:
العمق و الشمول
لكن لو أردنا أن نحرر العبارة وتكون أكثر إنضباطا وعمقا وشمولا نقول:
"الإنسان السويّ يلزمه تلازم بين المظهر والجوهر"
فهما لا ينفصلان! ...وفصل أحدهما عن الآخر يدل على خلل ما...بل نحن مأمورون في تعاملنا مع من حولنا أن نقدم المظهر على الجوهر..فنحكم عليهم بما يظهرمنهم لأننا لم نؤمر بأن نشق عن قلوبهم
فإن كان ظاهره الفساد نعامله كشخص فاسد
مجرد ما نرى ورده نقول كم هي جميلة ,, لكن عندما نقترب منها نلاحظ رإحتها كريهة جداً , و نفضل نراها من بعيد لهذا نرى جمالها ولا نستطيع الأقتراب منها ونعلم جوهرها لهذا نقول كريهة ؟ وأيضاً العكس ؟ لو كان شكلها قبيح و رإحتها جميلة ومعطرة , لا نقترب منها لذا نشتم رإحتها ولا ننظر عليها ؟ أي في الحالتين هي قبيحة ؟
ولا نحظر وردة قبحية جداً و عطرها جميل لكن يجب علينا إن نحب شكلها القبيح !

اصدقائي :
عاشق الليل
ناني
أتمنى قد توصلنا الى غير مختلف وطرحي له جوانب كثيرا ومتعددة
لك جزيل الشكر لحضوركم
وأرجو تقبل رأيي

موضوع: ول الأربعاء مايو 19, 2010 4:45 pm

الأخت ناني تفضلت بما يلي

وبالاخير لو الرجّال جبلي ..حمِش .. معجون بتراب الجبل وشموخه وعزّته وعنفوانه ودرزي اخو اخته ما بظن يربيلي شعرو

ياختي ناني من بعد ازنك ماانتي عايشي بالجبل وعم تشوفي اغلب الشباب وخاصة هذا الجيل الي طلع

مابدي قلك نصهم اغلبهم شعرهم طويل يعني مع احترامي الك

ياختي كل الشباب خير وباركي ولو ربى شعروا ماخص هذا الشي بشموخوا وعزتوا

ياختي مابتعرفي يمكن هذا الزلمي الي مبربي شعروا
عندوا شموخ وعندوا عزوى واشرف مني ومن الي خلفني

ياختي ناني اتوخذنيش بس نحنا بدنا نحكي الصح والي لازم نحكيه

نحنا هوني كا دروز العالم كلها شايفتنا شو عم نحكي شو عم تناقش

هذا النت بوابة لكل العالم بوابة لتعارف

بوابة لنقاش

مع احترامي الك غلط تكتبي الجبلي او الدرزي الي عندي عزوة ونخوة وشموخ مابربي شعروا
يعني اني بعرف شباب رفقاتي شعرهم طويل يعني هذول شباب ماعندهم عزوة ولا نخوة

هذا غلط مابصير هذا الحكي
اني واحد من الناس الي مابحب الشعر الطويل ابني الله يخليكم ولادكم وهوي صغير ربنالوا شعروا شوي بس كبير شوي قصناهم

قصيتلوا ياهم مش لأنو هذا عيب مش لأنو بس يكبر بصير ماعندوا عزوة ولانخوة
لأنو كل شخص الو تفكير

بس بيحتفط في جواتوا

نحنا هوني عم نتناقش ونحكي وجهة نظرنا
بس تم التعديل نكتب شي يمس ابن بلدنا ولو ياختي مانتي بنت البلد كيف يعني الي بربي شعروا بدون نخوة شو هل الحكي هذ
ا

اني بحترم كل الردود وكل شخص الو وجهة نظر بس خلينا نكون وقعين وبدون مانكتب شي يمكن يدخلانا بمتاهات مالنا فيها

واني اسف على ردة فعلي بس اني كنت عم احكي لأني ابن سويدا ودرزي مابحب ولا اي شخص ينتقدنا او يحط علينا نقطة

المشكلة الحقيقية أننا أصبحنا نعاني من ظاهر العنف اللفظي

كيف نحكم أخواني عن الكثير من الأشخاص من خلال المظهر

نعم في السابق كان المظهر يدل على الجوهر أم الأن فعلى العكس

لنأخذ مثال حي واقعي من الحياة الصبارة مليئة بالأشواك من الخارج ومع ذلك نحن لانهتم وندرك أن بداخلها ثمرة

ناضجة ومفيدة .. وهكذا هو حال شبابنا هذه الأيام ... أيضاً أريد أن أنوه عن مرحلة المراهقة فهي أكثر عرضة لهذه الظاهرة ..

بالنهاية فالموجة لابد أن تتلاشى وسيأتي الهدوء بعد العاصفة ..

مع احترامي لأرائكم جميعاً .. تحياتي لكم

\\ رأيي شخصي \\ لايعمم ..

اخي الكريم عاشق

هالساحه للنقاش والحوار مش ساحة حرب نشنها على بعض

يا ريت انتبهت لكلامي منيح كان ما احتديت بهالطريقه

وما كانت روح الحياة برضو عقبت من ورا ردك بقولها أصبحنا نعاني من ظاهرة العنف اللفظي

أنا ما تعانفت على حدا ولا قللت من احترامي لحدا حبيبتي .. إيماناً مني انو الاحترام بيبدا من احترام الانسان لذاتو ..

واللي بيحترم ذاتو بيتعامل مع محيطه بإحترام

وأنا ما قصدت انتقص من قيمة وقدر شباب الجبل مثل ما فهمتو

انا بعرف انو طول عمره الشعر الطويل صفه ملازمة للبنت ووحده من ميزاتها كأنثى ..

مش صفه للشب او الرجال

وهالموضه مكتسبه ودخيله ع مجتمعنا وخليني حدد - مجتمعنا الشرقي بشكل عام - حتى ما انفهم غلط كمان مرة

كثير شغلات عمنتقلّدها من الغرب تقليد أعمى ..عمناخذ القشور بس ..

وين الجوهرية بهالنقطة هاي بالذات؟ ابتعدنا عن الجوهر اللي هوي الاساس ..

انت قلت بردك يا خيي انا انسان جبلي درزي ضد عقلي شوف ابني مربّي شعره بجن!!

وانا عقبت ع كلمتك هاي بالذات ... جبلي ودرزي

ما انتقدتك لأن حددت وذكرت

بالعكس شديت ع كلامك بهالنقطه وما بظن في مجال لأي شخص بالعالم كلو ينتقد الجبل اللي هو مربى الاسود وعرينها ..

منبع الشهامة والعنفوان والعزة والكرامة

الجبل اللي بفضلو اندحر المستعمر

الجبل اللي علّم العالم كلو معنى الصمود والبساله والشهامة

اللي انجب الباشا سلطان والمجاهدين الاشاوس اللي كانوا معه رحمات ربي عليهن

وأنا قلت

[size=21] لو الرجّال جبلي ..حمِش .. معجون بتراب الجبل وشموخه وعزّته وعنفوانه

ودرزي اخو اخته ما بظن يربيلي شعرو

هالصفات الشموخ والعز والعنفوان انا نسبتهن للجبل لأنه فعلاً بيميزوه

وللأسباب اللي ذكرتها من شوي

وأبداً ما بسمح لحداً ينتقد او يقلل من قيمة واحترام الجبل واهل الجبل

لأنو الجبل موضع احترام العالم كلو بما فيه العربي

أنا ما قصدت نقّص من قيمة شباب الجبل وانعتهن بغير صفات لأنو طول عمرهن اهل الجبل هاي صفاتهن

بس مش هاي تصرفاتهن ومظاهرهن والقصد هون الشعر الطويل وكثير حركات مشابهه اللي بنظري بتنقص من هيبة الرجال

وبالأخير قلت هاي قناعات

حتى انّي ذكرت بردّي الاول انو كل انسان حر بتصرفاته

ومحاسب عن نفسه وأعماله

ما قصدت اجرحك او هينك او هين اي شخص من ابناء الجبل اللي انا بعتزّ فيه وبشوف فيه عاصمه لدروز الدني كلها

وبفتخر بتواجدي هون بيناتكن وبفتخر فيكن فرداً فرداً

وآسفه لو جرحتك بكلامي بس برجع بقول لو تحققت منه منيح ما كانت هيك بتكون ردة فعلك

ولا تنسى انّي بنت بني معروف

واللي بيرشّ اخوتي بالميّ برشّو بالدم

أصدقائي تحية طيبة وبعد ..

في البداية طرح هذه الموضوع لتبادل الأراء لموضوع الشعر الطويل على الشب وكان الموضوع يتكلم بشكل عامة وليسَ عن طائفة محددة او عن أي شاب محدد ..
نحن نتنتقش بشكل عام وقد تم الخروج عن مضمون الطرح وكلنا نعلم من هم شباب الجبل وفتيات الجبل لا غنى عن التعريف ..
أخي عاشق الليل : لقد ذكرت في ردك الاول (انا رأي بقولوا انا انسان جبلي درزي ضد عقلي شوف ابني مربي شعروا بجن)
والصديقة ناني لم تخطىء في كلامها, نحن نحترم وجهة النظر والتناقش بها , قالت الصديقة ناني (وبالاخير لو الرجّال جبلي ..حمِش .. معجون بتراب الجبل وشموخه وعزّته وعنفوانه ودرزي اخو اخته ما بظن يربيلي شعرو ) اخي عاشق الليل الصديقة ناني تعيش في فلسطين وكلمة حمش تدل على العنفوان ووشموخه والكل منا تعبري خاص بطريقة كلامه وعلينا ان نتناقش بهدوء وعدم التسرع في ردود الفعل وقد تم شكرك لوعيك وتفهم للحياة ومدى تفكيرك النير ليسَ هناك اي مشكلة اخي عاشق الليل وايضا" الصديقة ناني .
فأختلاف الرأي لا يفسد للود قضية فكل شخص له الحق والحرية في طرح افكاره ومعتقداته .....
الصديقة روح الحياة : كم ذكرت صديقتي طريقة التعبر وأختيار الكلمات تاتي حسب العادات والتقاليد ولم يكن هناك اي عنف في اللفظ لكن كان هناك ردت فعل متسرعة فقط لأختلاف الراي ..
أتمنى لكم التوفيق وفي النهاية تهمنا المعرفة وزيادة الخبرا
اتمنى لكم تقبل وجوه النظر المختلف من جميع الأعضاء والنقاش بشكل هادف
تحياتي للجميع

ناني كتبت :

أنا ما تعانفت على حدا ولا قللت من احترامي لحدا حبيبتي .. إيماناً مني انو الاحترام بيبدا من احترام الانسان لذاتو ..

واللي بيحترم ذاتو بيتعامل مع محيطه بإحترام ..

حبيبتي ناني أنا ماكنت بقصدك أنتِ لما حكيت هالكلمة لهيك مافي داعي يتبرر الحكي ضدي ..

ياغالية نحن لما نتناقش بقضية منتناقش على مستوى واسع يعني مو بس أنا وأنتِ رح نشوف الردود والمواضيع ..

لهيك أنا ذكرت هالكلمة لأن فعلاَ نحن عم نعاني من هالظاهر بمجتمعنا ..

بالنهاية أنا بتشكرك على كلامك بحقي .. وأكيد بحياتي مابفكر قلل احترام أي عضو لأن كلكن غاليين على قلبي

مع احترامي الشديد للجميع ..

ياغوالي نحن أكبر من هيك وكل شخص ألو رأي خاص وماحدا بيفرض رأي على حدا ..

الصديقة روح الحياة :
أشككر لحسن أخلاقك وتفهمك للوضع ونحن نطمع بمن هم بأمثالك ونعلم جميعا" من هم إعضاء روح السويداء كلهم مميزون وناجحون ويملكون أحترام من طيب الاصل

فلكي الف شكرك وللصديقة ناني وللصديق عاشق الليل

تحياتي لك ِ

» خمس مناطق 'للرجل' ممنوع الأقتراب منها يا حواء !!
» قيل في الشعر
» اجل ما قيل في الشعر النبطي
» الشعر مساجلات
» اجمل ابيات الشعر

حببت أن أفتح متصفح اجتماعي نوعا ما و نسوي فيه عمليه ربط لعبارات و أمثله بواقعنا اللي نعيشه ,, وهل فعلا كل ما نسمعه نطبقه !

إن توفّر العوامل المسآعده لآكتساب الحقوق الانسانيه العامه وحقوق المراة خاصه أمر فرضه ديننا منذ …