أمثالنا الشعبية

تذكير بمساهمة فاتح الموضوع :

إخواني وأخواتي ...

الأمثال الشعبية في كل أُمّة هي مرآة حياتها اللي بتنعكس فيها أصدق أحاسيسها وبتتضمن خلاصة تجارب أفرادها وحكمتهم ...

هي صوت الشعب ...

هي القول اللي بتتناقله العامّة في المناسبات ..والحياة اليومية ...والتعامل مع كل شي بمحيطنا ...

وبما إنو المثل وليد البيئة والتجربة ...ونشأ في مكان وزمان معين ...فأكيد ناسب العادات والتقاليد والقِيم المُتَّبعة بهذاك الوقت والمكان ...لهيك ممكن يكون عُرضة للتغيير والتبديل والإختفاء والظهور نتيجة لتطوّر الشعوب والعلوم والثقافة والحضارة ..
يعني في أمثال ناسبت الماضي ما بتناسب وقتنا ...والعكس هو الصحيح ...

وللأمثال وظايف عديدة منها تربوية ...إجتماعية .. دينية ..عملية ..حماسية ..وغيرها ...

وللأمثال خصائص وشروط منها ...
اللهجة العامية : بما إنو المثل الشعبي هو إبن الشعب ...فلغته مطابقة للغة الشعب اللي نشأ فيه ... عاميّة ...لهجته بتمثّل المنطقة اللي إنقال فيها ...
كذلك الإيجاز ... السجع ...الشيوع
... مجهول المؤلف ...قديم ومتوارث ..مُعبِّر عن قيم الجماعة وعاداتها وتقاليدها وأخلاقها ودينها ومتأثر فيها وبتجاربها ...ومصيب للمعنى ...

وحسب كل الشعوب للأمثال فوايد وأهمية ..
فالروس مثلاً قالوا:"الأمثال هي عُملة الشعب المتداولة"...
السويسريون قالوا:"بالأمثال تستطيع أن تشتري بأُذنيك أحسن درس بأرخص ثمن"...
الإنكليز قالوا:"الأمثال الشعبية هي صوت الشعب وحكمة الشارع وزينة الكلام ونصف الطريق إلى الفكرة "...
والعرب قالوا:"الأمثال الشعبية هي مصابيح الفكر"...

وأنا العبده لله بأقول : تعالوا سوا نحافظ على هالزاوية من تراثنا الأصيل .. ونساهم في حفظها من الزوال ...

وأملي منكوا ... نجعل هالصفحة مرجع لأمثالنا الشعبية ...

وكل يوم بعد ما نسجل حضورنا بالمنتدى ..يكون إلنا تسجيل لواحد من أمثالنا الشعبية المميزة ...

تحيااااتي ...
وبتمنى التفاعل منكوا جميعاً

لمّا السعد يوآتي بيخلّي الأعمى ساعاتي

من كثر عرسانها ..؟؟ بارت

ههههههههههههه ما بعرف بس هيك بسمعو

درهم عقل ولا خزاااااين ماااال

ان جار عليك الزمان عليك بولاد الدلال

الطمع ضر ما نفع

بعد ما إنقرص إنحرص

زرعنا اللو طلع يا ريت

قاضي لولاد شنق حالو

ما برد الصاع الا صاع ووقيه

الشباك ؟؟ مدري الباب ما بعرف المهم

اللي بيجي منو ريح سدو وستريح

هههههههههه
الباب حالمة الباب

بكرا بذوب الثلج وببان المرج

وديني لودّيك ليصيح الديك

الطول طول النخلي والعقل عقل سخلي

الطول يا ما شالله والعقل يبعث الله

علمناهن عالشحاذة سبقونا عالبواب

من تحت الدلف لتحت المزراب

البيتو من ااقزاز ما بطرب الناس بحجارووووووووووو

جبنا سيرة القط قام نط

باب النجار مخلوع

بعمرك لا تاخذ حماره أمها بالحارة

عفشة ببيتها وبتعمل لجرانها كواير

ههههههههههههه
لك يا زهرة يبعتلك الهنا على هالمثلللللللللللللللللللللللل قال امها بالحارة

ههههههههه
أنشالله عجبوك

جبناك يا عبد المعين تتعيمن طلع بدو مين يعينك

الي مالو حظ لا يتعب ولااا يشقاااااااااااااااا

عيش يا كديش تيخْضَرّ الحشيش

ذكور الذيب وهيي القضيب

آخر العنقود سكر معقود

كل قمحة مسوسي وإلها كيالها الأعور

الماعون الكبير بيسااع الصغير

بعد الكبرة جبة حمرا

تى تى تى تى متل ما رحتى متل ما جيتى هههههههههه

لشوف مين اشطر منى بالامثال Wink

من ثمك احلى يا كحله
.

قال القبقاب والشحاطة صااارو صحاااااااب

والله امثال بتخجل بس هيك بقولو ههههههه

اي
عنا بيقولو
الفرده والقبقاب صاروا اصحاب
.

خدى هاى لكان

قال الولد لو بار ثلثينو للخال

تعلم من الزهرة البشاشة
ومن الحمامة الوداعة
ومن النحلة النظام
ومن الديك النهوض باكرآ

ابو ماهر كتب:: خدى هاى لكان

قال الولد لو بار ثلثينو للخال

اي ابو ماهر

وزياده ع هالمثل عنا بيقولو

لو كان خال الخال فيه لنّي بيورّث لإبن اخته كل الخصايل

مع انّي ضفته قبل بس حبيت نوّه

لا تحزن أذا جائك سهم قاتل من أقرب الناس أليك
فسوف تجد من ينزع السهم ويعيد لك
الحياة والابتسامة

من برا خام ومن جوا سخام

أذا ضاق صدر المرء عن سر نفسة
فصدر الذي يستودع السرأضيق

اللي بيخاف من الضبع بيطلعلووووو

أن لم تكن ذئب أكلتك الذئاب

غُلب وستيره ولا غُلب وفضيحه

أو

خليها في القلب تجرح ولا تطلع بين الناس تمرح
.

أكنس بيتك وخشووووو
ما بتعرف مين بخشووووووووووو

كُثر العسل بيخلِّي النفس تعوفو

طب الجرة على تمااااااااااا

بتطلع البنت لأمااااااااااااااااااااا

كثـــر الهـــلا قـــلة هـــلا

لو بدنا من هالقماش كنا عبينا خياش

مثل الحياصة بالطلعة

وكان يطلق هذا المثل على الرجال العاطلين عن العمل

فيروز
أهلاً فيك بهالصفحة وبتمنى تكرر زياراتك ..مع أمثله من شكل هالمثل
الحقيقه
أول مرة بسمع فيه
يسلمووووووو
.
.
.

من قصّر في العمل ابتلى في الهم

لاقيني ولا طعميني

إلي ما بشوف من الغربال بكون أعمى

العتب ع قدر المحبة

» المقاهي الشعبية تعكس تغيرات المجتمع في سورية

حببت أن أفتح متصفح اجتماعي نوعا ما و نسوي فيه عمليه ربط لعبارات و أمثله بواقعنا اللي نعيشه ,, وهل فعلا كل ما نسمعه نطبقه !

إن توفّر العوامل المسآعده لآكتساب الحقوق الانسانيه العامه وحقوق المراة خاصه أمر فرضه ديننا منذ …