أمثالنا الشعبية

تذكير بمساهمة فاتح الموضوع :

إخواني وأخواتي ...

الأمثال الشعبية في كل أُمّة هي مرآة حياتها اللي بتنعكس فيها أصدق أحاسيسها وبتتضمن خلاصة تجارب أفرادها وحكمتهم ...

هي صوت الشعب ...

هي القول اللي بتتناقله العامّة في المناسبات ..والحياة اليومية ...والتعامل مع كل شي بمحيطنا ...

وبما إنو المثل وليد البيئة والتجربة ...ونشأ في مكان وزمان معين ...فأكيد ناسب العادات والتقاليد والقِيم المُتَّبعة بهذاك الوقت والمكان ...لهيك ممكن يكون عُرضة للتغيير والتبديل والإختفاء والظهور نتيجة لتطوّر الشعوب والعلوم والثقافة والحضارة ..
يعني في أمثال ناسبت الماضي ما بتناسب وقتنا ...والعكس هو الصحيح ...

وللأمثال وظايف عديدة منها تربوية ...إجتماعية .. دينية ..عملية ..حماسية ..وغيرها ...

وللأمثال خصائص وشروط منها ...
اللهجة العامية : بما إنو المثل الشعبي هو إبن الشعب ...فلغته مطابقة للغة الشعب اللي نشأ فيه ... عاميّة ...لهجته بتمثّل المنطقة اللي إنقال فيها ...
كذلك الإيجاز ... السجع ...الشيوع
... مجهول المؤلف ...قديم ومتوارث ..مُعبِّر عن قيم الجماعة وعاداتها وتقاليدها وأخلاقها ودينها ومتأثر فيها وبتجاربها ...ومصيب للمعنى ...

وحسب كل الشعوب للأمثال فوايد وأهمية ..
فالروس مثلاً قالوا:"الأمثال هي عُملة الشعب المتداولة"...
السويسريون قالوا:"بالأمثال تستطيع أن تشتري بأُذنيك أحسن درس بأرخص ثمن"...
الإنكليز قالوا:"الأمثال الشعبية هي صوت الشعب وحكمة الشارع وزينة الكلام ونصف الطريق إلى الفكرة "...
والعرب قالوا:"الأمثال الشعبية هي مصابيح الفكر"...

وأنا العبده لله بأقول : تعالوا سوا نحافظ على هالزاوية من تراثنا الأصيل .. ونساهم في حفظها من الزوال ...

وأملي منكوا ... نجعل هالصفحة مرجع لأمثالنا الشعبية ...

وكل يوم بعد ما نسجل حضورنا بالمنتدى ..يكون إلنا تسجيل لواحد من أمثالنا الشعبية المميزة ...

تحيااااتي ...
وبتمنى التفاعل منكوا جميعاً

ألي بعمل حالو جمال

بدو يعلي عتبة دارة

قال الأعمى طلب عين بس الله أعطاه صار بدو الثنتين

عاطي الخباز خبزووو لو أكل نصوووووو

العميان إجاهون صبي عموووه بالحسمسي

قال: إجت لحزيني لتفرح ما لقت لحالى مطرح

قلولو الحرامي أحلف قال أجاني الفرج

حط ايدك ع قلبك اللي بتحبه بيحبك

فرخ البط عوام

نحنا منحسب والقضا بيحسب

قلبي على ولدي وقلب ولدي على الحجر

اي

ونحنا منقول يا أحباب

قلبي على ولدي انفطر وقلب ولدي عليّ كالحجر

والله ما بعرف هيك بقلوهااا

يسلموووو

منين بدي أبدى فيكي يا كوساي كل عضة بغصة

:: شو ما طبخت العمشا جوزها بيتعشا

يلي بيلاعب القط بدو يتحمل خراميشو

اللي بيلعب بالنار بيحرق اصابيعوو

أحباب الروح كتب:: والله ما بعرف هيك بقلوهااا

يسلموووو

منين بدي أبدى فيكي يا كوساي كل عضة بغصة

ما اختلفنا يا احباب

انا عمقلك كيف بيقولوها عنا

ببلادنا

على راسي خيتووو

مافي أختلفناااا بالعكس أنتي على العين والراس

بدوب الثلج ويبان المرج

تسلم وتدوم يا غالي

العين ما بتعلى ع الحاجب

الولد لو باررر تلتينوو الخال

وفي بعد مثل يا أحباب أضفته مرة بيقول بهالمعنى

لو كان خال الخال فيه لنّي بيورِّث إبن أخته كل الخصايل

ان أوجعك راسك أكرمه وان أوجعك بطنك احرمه

جوع لتنهري وكل لتنفري

العين بصيرة والايد قصيرة

الي بجوزوه ابوه وامه سهل عليه الطلاق

ربك رب العطا يعطي البرد على قد الغطا

الطنجرة اللي بتجيب بتموت

اللبيب ما يجافي الغريب ولا يحابي القريب

ل[size=24لو كان الزلام بشواربهم كان الصرصور أولهن[/size]

حكم التراضي أحسن من حكم القاضي

أم شوشه منبوشه فيها القملة مخشوشه

دقة على الحافر ودقة على المسمار

اللي فيه نقطة من دمك ما بيخلى من همك

الي بياكل العصي مو متل ألي بعدهااااااا

مِن كذِب فجَر ومِن فجَر هلك

الي مالو قديم مالووو جديد

من قلة الزلام قالوا عن الديك أبو قاسم

إذا كنت تدري فتلك مصيبة وإن كنت لا تدري فالمصيبة
أعظم

الصبية إن قالت جوعانه إطعموها .. إن قالت تعبانه أقتلوها

العمر واحد والرب واحد

كِبر البصل وتدوّر ونِسَى زمنو الأول

ربك يسلط أبدان على أبدان حتى القمل على الصيبان

إن ضاقت عليك المخازن مخزنك عُبَّك
.

زئير الأسد لا يكفي لقتل الفريسة !

ما بيخون العِشره غير قليل الأصل

قد يجبن الشجاع بلا سلاح

الأخبار الحسنة تمشي والأخبار السيئة تجري

ليست المشكلة أن تخطئ .. حتى لو كان خطئك جسيما ... وليست الميزة أن تعترف

بالخطأ وتتقبل النصح .. إنما العمل الجبار الذي ينتظرك حقا هو أن

لا تعود للخطأ أبدا

بعض العفو ضعف
.

ابحث عن الصديق ..قبل الطريق ..

لا تتخيل كل الناس ملائكة فتنهار أحلامك .. ولا تجعل ثقتك بهم عمياء ، لأنك

ستبكي يوما على سذاجتك

ولتكن فيك طبيعة الماء الذي يحطم الصخرة .. بينما ينساب قطرة .. قطرة

اللى تملكه الايد تزهده النفس

أن القائد العسكري والإمبراطور الفرنسي « نابليون بونابرت » كان يصاب بالذعر عندما يواجه " قطة "

» المقاهي الشعبية تعكس تغيرات المجتمع في سورية

حببت أن أفتح متصفح اجتماعي نوعا ما و نسوي فيه عمليه ربط لعبارات و أمثله بواقعنا اللي نعيشه ,, وهل فعلا كل ما نسمعه نطبقه !

إن توفّر العوامل المسآعده لآكتساب الحقوق الانسانيه العامه وحقوق المراة خاصه أمر فرضه ديننا منذ …