أمثالنا الشعبية

تذكير بمساهمة فاتح الموضوع :

إخواني وأخواتي ...

الأمثال الشعبية في كل أُمّة هي مرآة حياتها اللي بتنعكس فيها أصدق أحاسيسها وبتتضمن خلاصة تجارب أفرادها وحكمتهم ...

هي صوت الشعب ...

هي القول اللي بتتناقله العامّة في المناسبات ..والحياة اليومية ...والتعامل مع كل شي بمحيطنا ...

وبما إنو المثل وليد البيئة والتجربة ...ونشأ في مكان وزمان معين ...فأكيد ناسب العادات والتقاليد والقِيم المُتَّبعة بهذاك الوقت والمكان ...لهيك ممكن يكون عُرضة للتغيير والتبديل والإختفاء والظهور نتيجة لتطوّر الشعوب والعلوم والثقافة والحضارة ..
يعني في أمثال ناسبت الماضي ما بتناسب وقتنا ...والعكس هو الصحيح ...

وللأمثال وظايف عديدة منها تربوية ...إجتماعية .. دينية ..عملية ..حماسية ..وغيرها ...

وللأمثال خصائص وشروط منها ...
اللهجة العامية : بما إنو المثل الشعبي هو إبن الشعب ...فلغته مطابقة للغة الشعب اللي نشأ فيه ... عاميّة ...لهجته بتمثّل المنطقة اللي إنقال فيها ...
كذلك الإيجاز ... السجع ...الشيوع
... مجهول المؤلف ...قديم ومتوارث ..مُعبِّر عن قيم الجماعة وعاداتها وتقاليدها وأخلاقها ودينها ومتأثر فيها وبتجاربها ...ومصيب للمعنى ...

وحسب كل الشعوب للأمثال فوايد وأهمية ..
فالروس مثلاً قالوا:"الأمثال هي عُملة الشعب المتداولة"...
السويسريون قالوا:"بالأمثال تستطيع أن تشتري بأُذنيك أحسن درس بأرخص ثمن"...
الإنكليز قالوا:"الأمثال الشعبية هي صوت الشعب وحكمة الشارع وزينة الكلام ونصف الطريق إلى الفكرة "...
والعرب قالوا:"الأمثال الشعبية هي مصابيح الفكر"...

وأنا العبده لله بأقول : تعالوا سوا نحافظ على هالزاوية من تراثنا الأصيل .. ونساهم في حفظها من الزوال ...

وأملي منكوا ... نجعل هالصفحة مرجع لأمثالنا الشعبية ...

وكل يوم بعد ما نسجل حضورنا بالمنتدى ..يكون إلنا تسجيل لواحد من أمثالنا الشعبية المميزة ...

تحيااااتي ...
وبتمنى التفاعل منكوا جميعاً

الإيد اللي بتقدرش ع كسرها ...بوسها وإدعي عليها بالكسر

حُط إيدك ع قلبك اللي بتحبو بيحبك...

الي ما بفيد بتعمي دخنتو

إن كان صاحبك عسل تلحسوش كلووووو

قالوا للكذاب إحلف ..قال قرب الفرج

..اللي بيحرَص ما بيقرَص

كل عنزة معلقة من كرعوبة

العين بصيرة والإيد قصيرة

الي ما بيحسب
ما بيسلم

السَّرج المُذهَّب ما بيعمل الحمار حصاناً..

السبع لو شاب بصير مسخرة للكلاب

الي بيلعب النار بيحرق صبيعو

هلا بالغوالي.... منورين والله

قالوا للكلب أركض وعوِّي ..قال بقدرش ع الشغلتين سوا

بعد الأم أُحفر وطُم

منورة يا ناني والله
الولد لو بار تلتيلو الخال

منورة بوجودك أحباااااب
هلا خيوو

.
.
.
.
.

لو كان خال الخال فيه لنّي ..بيورث لإبن اختو كل الخصايل

العز للرز والبرغل شنق حالو

خيّك من أبوك مثل القوم لو اجوك
وخيّك من امك مثل المخطة ع ثمك

شكر لك على طرح الموضوع واللي لازم كل واحد منا يحافض على تراثنا وعاداتنا 0(من حفر حفة لاخيه وقع فيها )ابو ربيع ناهي النمط

في مثل بيقولوا بالمال (يا آخذ القرد على ماله راح المال وبقي القرد على حاله)

طلعنا من تحت الدلفي لتحت المزراب

ومد لحافك عقد رجليك

ســـــــهّير الليــــــل مقطـــــــوع الحيـــــــــــل

اللي ماله أول مالوا تالي

منوور يا ابو ربيع والله
.
.
.
.
.

العنزة الجربا ما بتشرب الاّ من راس النبع

الارض من دون ناس ما بتنداس

هلاااااااا أسيــــــــر

.
.
.
.
.

الجنــــــــــــــــــة بلا نـــــــــــــــاس مـــــــــا بتنـــــــــــــــداس

قلبي على ولدي انفطر وقلب ولدي عليّ كالحجر

قال إبنك انت متلك انت

فرخ البط عوااااااااام

ألي بشوف مصيبة الغير
بتهون علية مصيبتووووووووو

عرج الجمل من شفتوا

رز ولبن عافية ع البدن

عــــريس في الخيطان
ولااااا شماتت
الجيران

شششششششششو عامل حالك عين صالح

أول مرة بسمع بهيك مثل أسير ..يسلموو
.

ظِل رجّال ولا ظل حيطه

الرجال بالبيت لو فحمة رحمة

برد كوانين بيهرّ المصارين

العنزي الجربا ما بتشرب غير من راس النبع

الفزع بيطيِّر الوجع

قالوا للكذاب إحلف قال قرب الفرج

الابن الردي بجيب لاهله اللعنة

إجت الحزينة تفرح ما لقتلهاش مطرح

السكافي حافي والحايك عريان

بعمرك لا تقلول للمغني غني أوللرقاص رقوص

هههههههههوالله يا زهرة معك حق هذا مثل شعبى صحيح

قال تزوجنا لننستر رزق الله على ايامات الفضيحة

الباب الي بيجيك منو ريح سدو وستريح

لا ترافق الجربة وبيت نزيلها ........وان كنت نقى الجسم لابد تجربى

من أتكل على الفير

من الزاد
طال جوعة

إذا جنّوا الكل عقلك ما بيفيدك

لمّا السعد يوآتي بيخلّي الأعمى ساعاتي

من كثر عرسانها ..؟؟ بارت

ههههههههههههه ما بعرف بس هيك بسمعو

» المقاهي الشعبية تعكس تغيرات المجتمع في سورية

حببت أن أفتح متصفح اجتماعي نوعا ما و نسوي فيه عمليه ربط لعبارات و أمثله بواقعنا اللي نعيشه ,, وهل فعلا كل ما نسمعه نطبقه !

إن توفّر العوامل المسآعده لآكتساب الحقوق الانسانيه العامه وحقوق المراة خاصه أمر فرضه ديننا منذ …