نقاشات حادة بين الشباب و ا لبنات

|--*¨¨*--| مرحبــــا يا احلى شباب و بنات |--*¨¨*--|

أحببت هذا الموضوع لشدة روعته

وروعـة الأسئله التي تدور عليه

والحوار الناجح الذي يقوم عليه ...

لذلك نقلت هذه الفكرة وهذا الحوار [ الساخن ]

وهو عبارة عن حوار مثير بين فريقين

فريق
[ الشباب ]

فريق
[ البنات ]

وضعتها من باب المداعبة وتخفيف حدة التوتر بين الفريقين

هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية

[ بداية الحوار ]

سيقوم فريق الشبـاااب بطرح تساؤل عن أمر معين لا يعجبهم في البنــاات

وسيقوم فريق البنااات بالرد وتبرير الموقف

وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب ..... وهكذا يستمر الحوار

[ملاحظة]

يحق للجميع المشاركه وابداء الرأي ولكــن بعيدا عن التجريح

وأرجوا أن نكون مع الحق دائماً بعيداً عن الإنتماء و التحيز

(( صافرة البداية ))

الكــره الان في ملعب الشبــاب اطرحو اي ســؤال على البنات

يلا ونريــــد التفاعــل من الجميـــع بليـــز

صديقي زين أكيد بيعرف انو ما في حدا كامل يعني مو كل انسان بنقول عنه انو كامل وبقتقد انو الانسان الو وجهة نظر بكل شيء حوله وخصوصا" الجنس الاخر اي الامرأة ....
صبايا سؤال صغير كبداية :
في مثل بيقول يا ارض اشتدي ما حدا قدي كتير بسمع الشباب بيقولو هاد المثل يعني ممكن ان تكون الفتاة مغرورة او شايفي حالها او ؟؟؟؟؟؟

أتمنى ان ما يكون أبدا" في أثر جانبي على الموضوع ويكون متفهمين للأسئلة
تحياتي لكم
وتحياتي لك زين

شكرا على التفاعل اخ سليمان
شوووووووووووو صبايا وين الجواب يلا لنشوف

صديقي زين موضوع رائع وجميل

بس ان شاء الله الصبايا يتفاعلو مع الموضوع

تحياتي ومودتي

موضع جميل اخي زين

واتمنى التفاعل من الصبايا

تحياتي لك صديقي

ولله يا زين موضوع كتير حلو ومفيد للجميع وانشالله نطلع بنتيجة
أما بالنسبة لسؤال الصديق سليمان
ولله معك حق وأنا معك في كتير من الصبايا بتكون شايفي حالها وماشيي مو شايفي حدا جنبها
بس خلينا نعرف ليش ؟ في أكثر من جواب وأكثر من رأي
منهم في عندهم ثقة بالنفس وبكون هذا التصرف نابع عن ثقة وهذا الشي بكون لا إرادي يعني ممكن هيي ما تنتبه لهذا الشي
وفي منهم بكونو عم يغطو نقص بداخلهم وبحاولو يعوضو هالشي بمحاولة المشي ورفع الرأس للأعلى
وفي وفي وفي ......................
إذا منا نعد ما رح نخلّص بس بقول كلمة أخيرة هذا الشي بيرجع لنفسية كل بنت متل ما كل واحد إلو بصمة خاصة فيه كمان كل وحدة الها طبع خاص فيها
وكنك شاطر يا آدم تفهم البنت ههههههههههههه (من باب المزاح لا أكثر )
انشالله كون فدتكم بشي
وأي سؤال أنا جاهزة يلله بس ما قلتولنا مين الحكم ؟؟؟؟؟؟؟؟؟؟؟؟؟
بعتذر على الاطالة بس الموضوع شائك

شكرا الك سراب على الجواب يلا صبايا منا اجوبة تاني يلا لشوووووووووووووووف شو السبب
يا ارض شتدي ما حدا قدي برايكن

مشكوره سراب على التفاعل مع موضوع صديقي زين

سراب جوابك على سؤا ل أخي سليمان صريح ورائع بس برأي

البنات بشوفو حالا" وبيضربو نفسيه على اساس انو هيك بيظهرو نظره

للشباب انو مؤدابات وما عندن مياعه وان هي مو خفيفي

ولازم يكتبو لوحه ممنوع الاقتراب والتصوير منطقه محظوره Very Happy

تحياتي ومودتي

لى عودة مشكور زين الغالى

مش بالضرورة يا أسير ...
صدقني مش طريقة إنهن يظهروا فيها أدبهن وعدم مياعتهن ...
من إمتى شوفة النفس والعنجهيه كانت دليل ع الأدب وعدم المياعة ؟؟؟
او دليل على ركازة البنت وثقالتها ؟؟؟

انا بفكر انو البنت اللي بتكون شايفه حالها بهالطريقة هي بتكون من اساسو عندها شوفة نفس ولاطشه حالها غير شكل ..ممكن يكون تغطيه ع نقص معين بشخصيتها ..مثل ما قالت سراب ..ممكن يكون لتشوف حالها ع الشباب ..
والدليل إنتقاد الشباب إلها وقولهن يا ارض اشتدي ما حدا قدي ..
يعني حلو البنت يكون عندها ثقة بنفسها ..وتكون جريئة ..بس كل شي زاد عن حدو نقص ..
والثقة بالنفس الزايدة عن حدها بتصير نوع من الغرور وهذا بحد ذاتو مرض

* ردي اكيد جواب لسؤالك سليمان ..بس مداخلة اسير خلتني وجه لو الجواب إلو ..واظن ما في فرق ...

زين ...موضوع حيوي وجداً رائع ..رح بيخلينا نعرف بعض اكثر ..شباب وصبايا ..رح بيقرب وجهات النظر ..أو ممكن اكثر يوضحها ..
بتمنى التفاعل من الكل ...

يسلموووووو

تعجبني المناقشات الحادة
نقاشات حادة بين الشباب و ا لبنات 11xing

والتي تخرج بفائدة تعم الجميع
يعطيكم الف عافيه على هذا الموضوع
اما بالنسبه الى البنات
ان شاءالله ايامكم فيها الخير والبركة
مشكور اخي اسيرروح

يا سلااااااااااااااااااااااااااااااام متل ما حسبنا عم يصير يلا بناااااااااات
وين التفاعل يلاااااااااااااااااااااااااااااااااا
لانو متشوق لاعرف شو سؤال لي حتطرحو علينا ووووووووووووووو
مشكورين جميعا

شو زين عطيتنا الأوكي يعني لنبلش وللا بعد شباااب

الاخت ناني جاوبت بكل صراحة وموضوعية
بس أنا برأيي متل ما قال الصديق أسير في بنات بحاولو يشوفو حالن على أساس يلفتو نظر الشباب وأنا بكره كتير هالنوعية انما تدل على قلة ثقة وليس ثقة بالنفس
مشكورييييييين عالتجاوب شباب
بس منا البنات الباقي يعطونا رأيهم يلاااا بنات
عيب هيك

زين موضوع كتير كتير حلو
هلق أنا برأي وبالنسبة لسؤال سليمان
هلق هي جملة يا أرض اشتدي ماحدا قدي بتدل على إنو البنت إما بتكون متكبرة وشايفة حالها أحيانا ً على شي فاضي
أو بتكون عندها ثقة بنفسها وهي شغلة حلوة كتير عنا نحنا البنات لأن الثقة بالنفس بتخلينا نوصل لأي شي بدنا إياه من دون خوف
وأحيانا ً الشب بتغرو إنو هي البنت كتير شايفة حالها ومتكبرة فبصير بدو يحكي معها هيك ليستكشف ليه شايفة حالها
فبعدين بيتفاجأ إنها أقل البنات .
تقبل مروري زييييييين

.المقصود بهالجملة هون يا مروة إستخفاف من الشباب بالبنت مش إعجاب ...
لأن في فرق كبير خيتا بين الثقة بالنفس وبين شوفة النفس والغرور ...

بعدين وينكوووووو صباياااااا ؟؟؟
يللا بدنا تفاعل

شكرا مروة على الرد
بس لازم باقي الصبايا يردو كمان منا نعرف شو رأين يلا ولوووووووووووو
بعد ما صار في حماس و كلام حامي يلاااااااااااااااااااااا
حماس حماس حماس

أعتذر عن التدخل لكن اسمحو لي ببعض من الكلمات :
التكبر صفة تخلق مع الانسان وطبعا لها جزور
وتقوم التربية بصقل هذه الصفة او ببترها عن بكرة ابيها
وهي بحد ذاتها عقدة نفسية تصاحب من يتكبر ويجني ثمار تكبره على اناس لا يستطيع التكبر عليهم
في بعض الحالات ممكن ان تكون ردة فعل ناتجة عن نقص داخلي,
لا يوجد اجمل من التواضع
في بعض الاحيان قد الجئ الى اصطناع التكبر مع اناس لا يليق لهم ان اتعامل معهم بتواضع لانهم سوف يستغلون الموقف ويحققوا طموحهم في التكبر على اول انسان متواضع يواجهون وقد تاتي بعض الحالات يكون شخص قوية الشخصية وجريء لكن قلبه طيب ويتعامل بشكل متواضع مع الناس هنا تقع المصايب اي يصبح الانسان يشوف حالو ويحس (مجرد أحساس )ويقول انا شخصيتي اقوى منه لازم شوف حالي واثبت نفسي امامه ماذا نسمي هذا؟؟؟
لا يوجد اجمل من الانسان المتواضع وقلبه طيب

أصدقائي أعذروني على المداخله لكن احببت ان اكتب بعض الكلمات وقد كنت أتكلم بشكل عام .
تحياتي لكم موضوع فعلا" لازم يعطي أنطباع رائع (موضوع مثبت )

شو صبايا يللا منا مشاركة

على كل حال أنا قلتلكم رأيي من الجانب الايجابي للشباب
بس في عندي رأي آخر من الجانب الايجابي للبنات :
إنو البنت كمان بتشوف حالها أكثر وأكثر بس يكون الشب يلي قبالها شايف حالو
مشان هيك يا شباب كل واحد شاف بنت شايفي حالها فهذا لإنو هوي كان شايف حالو
هههههههههههههههههههههه
ما هييييييييييك صبايا ؟؟؟؟؟؟؟؟؟؟؟؟؟؟؟؟؟؟؟؟ظ
يللا هلق شاركو ههههههههههههههههههه

شكرا يا أصدقاء مواضيع كثير حلوي عم تنطرح بالمنتدى . ويا ريت نحكي بصراحة يمكن نلاقي حل لسوء التفاهم الي عم يصير بين الشب والبنت . اما الموضوع يا أرض اشتدي ما حدا قدي مو بس البنات كمان الشباب لانو البنت ما بتشوف حالا الا اذا كان الشب شايف حالوا.ممكن أحيانا الثقة بالنفس زيادي شوي والجرأة بالبنت بتعطي انطباع للناس انها شايفي حالا .وهي تكون بسيطة وما عندا هالشي . بس بصراحة بوقتنا لازم البنت تكون قوي برأي حتى لو بدا تبين شوفة حال أو غرور. بتمنى اعرف رأيكن بردي . ويكون عجبكن بس لا يزعلوا الشباب .

زائر

حجز لي مقعد ولي عودة انشأله

لو لبنت عم تستعمل الثقة بنفسا بشكل صحيح ما حدا بيفكر انو هي شايفي حالا
بس هي الثقة بنفس عم تستعملا بشكل غلط و هذا الشي عو يولد عندا غرور انو ما حدا قدا و هي الاجمل و الاحلى
و بيكونو الشباب عم يطلعو فيها كثير و هذا الشي كمان بيعطيها ثقة بنفسا و غررور زيادة
ملاحظة"
التوضع من احلا صفات لي زرعها الله بالانسان
بركان الغالي انا بالانتظار ردك و رايك بالموضوع

صديقي زين :

انا معك بكلامك الرائع وجميل والبنت اذا كانت حلوي يالطيف تقول فيه كهربا 220فولط

واذ كانت بشعه بتلاقي في شويت روح حلوي

يعني جميل ورائع تكون البنت جريئه وثقيله بس لازم تتحلا بروح مرحه وخجل لطيف

مو الخجل الذي يظهر الغشم والغباء

وبعدين عندي سؤال نلاحظ نحن الشباب ان البنات حين تشارك في منتديات واحد الاعضاء الشباب يرسل لها رساله خاصه او يرسل لها ايميله

اول شي ما بترد
ثانيا" اذا ردت ترد باسلوب غريب دون مرحبا ولا اهلين
يعني شو السبب الي بخلي البنات من اتباع هذا الاسلوب وبلعلم اذا تعرفت على شباب
بتعرف عن طريق الماسنجر يعني فيها تعمل بلوك او تحذف الاميل في حال صدر ازعاج
من قبل الشب وايضا" الماسنجر مو رقم ارضي او رقم جوال

يلا صبايا لنشوف رأيكم

رح تابع النقاش الأول وبعدين رد عليك أسير ( بس شوي شوي علينا ماصدقتو يعني ههههه)

فعلاً البنت إذا كانت قوية أو جريئة مو معناها تشوف حالها وما تشوف حدا حوليها هذي الفكرة لازم تعرفها كل بنت
بس كمان أحيانا الشباب بفكرو إذا البنت ما عطتن وجه معناها شايفي حالها وهذي كمان فكرة غلط عند الشب يعني مو لازم كل شب ابتسم لبنت لازم تتجاوب معو
أما بالنسبة لسؤال أسير
فهذا الموضوع بيختلف من شخصية لأخرى يعني بجوز البنت مو حابي تحكي مع الكل حابي تحط حدود لعلاقاتها أو بجوز مو حابي حدا يعرفها فهذا الموضوع بيتبع للحرية الشخصية وما في داعي للنقاش فيه
ومن جهة ثانية أهم شي ماترد البنت بأسلوب قاسي أو جارح يعني يكون في لباقة للاعتذار

هوي كمان في شغلي اسير خليني احكي عن حالي مش عن حدا
اني لما اشترك باي منتدى كان مافي داعي ابعث مسج لبنت انو بدي ايميلا قبل ما كون اني متأكد من حالي انو هي لبنت بدا توافق انو تحكي معي مسنجر
مش كل بنت بشوفا بالمنتدى لازم ابعثلا ايميلي
و من جهة الباقة اني معك
لازم تكون شوي عندا طيبة و احترام للشخص الي عملا قيمة من شان يتعرف عليها و يحكي معها لو مانو حابب انو يحكي معها ما كان بعث مسج و متل ما قلت انو بكل بساطة قبل ما تعمل بلوك او حذف ما بتضيفو عندا للايميل
بس بتمنى ما يصير في حسسية بينا نحنا الاعضاء لي بالمنتدى هذا كلو نقاش مو اكثر والا اقل شكرا على التفاعل
_________________
طبعا من بعد اذن الالشباب شو رايكن دور الصبايا
اذا كتفيتو بالاجوبة خبرونا من شان نشوف موضوع تاني

شكرك سراب على الرد الجميل والمقنع

صديقي زين:
اولا":انت كتبت:مش كل بنت بشوفا بالمنتدى لازم ابعثلا ايميلي هذا الكلام مغلوط صديقي وليس موضوعنا"يعني انا لااقول كل ببت في أي منتدى
لازم ترسل رساله من اجل ان تتعرف عليها انا اقوال اذا لاحظت اذا بعثت رساله
لتطمئن عنها اوتوجيه ملاحظه لها فأي موضوع متعلق بلمنتدى

ثانيا":انت كتبت:بس بتمنى ما يصير في حسسية بينا نحنا الاعضاء لي بالمنتدى هذا كلو نقاش مو اكثر والا اقل شكرا على التفاعليا صديقي نحن نتكلم عن نقاش اوحوار او أراء بين الشباب والبنات بشكل عام
وليس في منتدى محدد او في منتدانا يعني عن أي حساسيه تتكلم

تحياتي

تحياتي لك اسير الغالي شكرا لك على التوضيح

زائر

طبعا انا حجزت مقعد هوني ولكن انني سأعتذر لأني
عندما ادخل في نقاش حاد لايمكنني السيطرة على نفسي

ولأنني صريح زيادي عن اللزوم راح اعلق من الكل

من شان هيك انا حاجز مقعد هوني بس كرمال تابع النقاش

وخوذا راحتكم الموضوع حلووووووووو والنقاش لحد هلق جميل جدا

موضوع رائع وجميل للغاية حيثو من خلاله نستطيع تقوية روح المحبه وروح الاخوه في هذا المنزل الرائع الذي يحوي أجمل وارقى اعضاء مميزون
طبعا" نحنا عم نتناقش ونعطي الشكل العام الخارجي وليسَ الداخلي في المنتدى
وانا مشجع على متباعة الموضوع بشكل أخوي وشكل مرن ....

بعد اذن الاخ زين رح نكتفي بسؤالي الي طحتو ورح نتقبل سؤال جديد من الصبايا
يا ريت يا صبابا تطرحو سؤال جديد الدور الكم

تحياتي للجميع والتوفيق

اخي سليمان انت ماين اخي مو مشكلي
يلا صبايا هاتو شي سؤال من عندكم نحنا عم ننتظر

مرحبا صبايا وشباب المنتدى
أنا رح اطرح سؤال وبتمنى من الشباب جواب صريح وواقعي وبتمنى يقول ألي بقلبن لأن أنا بصراحة متحيرة وحابي أسمع جواب من شباب مختلفة واعمار مختلفة

فرضاُ يا شباب حبيتو بنت وحب حقيقي مو تبع هات ايدك ولحقني حب صادق من كل قلبكن
وبعد قصة حب دامت فترة من الزمن والبنت كانت حاطة كل ثقتها فيكن وانكن ما رح تخدعوا
انت يا شب الزمن والقدر لعب لعبتوا ووقع الأختيار بين حبيبتك وأهلك
مين بتختار وبصراحة
بعرف شو رح تقول انوا أنا كل ساعة بلاقي مين حبها وتحبنبي بس ما فيني لاقي اهل
بدي جواب غير هالجواب وبصراحة

تقبلو تحياتي وناطرة الجوبة

زهرة اللوتس

سيدتي زهرة
تقولين المستحيل
فكلا الطرفين لهم
علينى حق
لا يمنكنني التمييزبينهما
فئعذريني سيدتي
موضوع مميز حقآ
تحياتي

كتب أخي سليمان: بعد اذن الاخ زين رح نكتفي بسؤالي الي طحتو ورح نتقبل سؤال جديد من الصبايا
يا ريت يا صبابا تطرحو سؤال جديد الدور الكم

كتب صديقي زين:

اخي سليمان انت ماين اخي مو مشكلي
يلا صبايا هاتو شي سؤال من عندكم نحنا عم ننتظر

يعني هذا الكلام ان سؤالي الذي طرحته لم ولن يتم الاجابه عليه

يعني موضوع نقاشات حادة بين الشباب و ا لبنات ليس موضوع للنقاش والحوار واخذ

الأراء ومن اجل هذا انا اعتذر عن المشاركه في هذا الموضوع وعن كل موضوع يتعلق

بحوار وأراء بين الشباب والصبايا

تحياتي

بداية الأخ زين شكرا للفكرة والطرح التفاعلي ...
الأصدقاء جميعا تفاعلكم حلوووو ونحنا بحاجة لمواضيع لها علاقة بحياتنا اليومية العملية أكثر من أي شي ثاني
أنا حابب جاوب .. ولكن .. لو سمحتو لي ..
فهمت إنو في سؤال مفروض يتم الاجابة عليه ...
أخي زين .. وسليمان الغالي .. بانتظار التوضيح للاستفسار السابق خلينا نكمل
راجعلكم أكيد
تقبلو تحياتي ....
زهرة اللوتس ... راجع وراح جاوب أكيد ............
تحياتي

أصدقائي الغاليين
صديقي أسير : للتوضيح
أنا فهمت على الصديق سليمان وأنا أؤيده بكلامه
ياريت ياصديقي إنو نتلافى السؤال الذي سألته عن عدم رد البنات على الرسائل الخاصة لإني جاوبتك عليه ومثل ما قلت كانت اجابتي مقنعة مشان هيك مافي داعي نرجع للسؤال
ليس للتقليل من قيمة سؤالك بالعكس
أنا أوضحت رأيي
وياريت ياصديقي أسير تراجع حالك بعدم المشاركة نحنا ما إلنا غنى عنك
وبعد اذنك رح نتابع النقاش بالسؤال الذي طرحته زهرة اللوتس وعم ننتظر الأجوبة من الشباب
وأكيد لي عودة لمناقشة السؤال معكم
نرجو الاستجابة من الجميع

أسير الغالي
قبال خاطرناااااااااا
ناطرين نشوفك

انا مش عارف ليش النقاش في موضوع الرسائل الخاصه وبعث الاميل

اخذ كل هل الاهتمام وانت يا اسير سامحني لازم ما تزعل وهدا بعتبرو انسحاب منك وانت مو هيك

ومن شان الموضوع الرسائل الخاصة والاميلات نحنا موفيتين على المنتدى لنتعرف ونبعث اميلات

قد ما نحنا داخلين لنستفيد وما في داعي لزعل

وبنسبه لموضوع زهرة اللوتس والله موضوع رائع وحساس بنفس الوقت

انا والله بعمل المستحيل من شان ما اخسرها او اخسر اهلي

وبعدين مافي مشكلة الا ما الها حل اكيد

الا الموت

تقبلوا مروري

تحية طيبة وبعد ...........
أعضاء منتديات روح السويداء هم مثقفين ولديهم فكر رائع ويملكون وعي واسع واحترام لا حدود .........
توضيح للأخي الغالي أسير الروح:
في البدايه حضورك ووجود في روح السويداء مهم , أخي أسير لقد دخلت الموضوع وقد لفت انتباهي لدرجة , لانه يعكس مدى الثقافة وتبادل الافكار في ما بيننا ,
كلنا نحترم أي شي له قوانين وفي بداية الموضوع قد طرح الاخ زين الموضوع ويوجد قوانين وهي سؤال من الشباب ومن بعد سؤال من الصبايا وانا كنت اول الواصلين على الموضوع وقد بدأت بلسؤال انا وقد أعجباني التفاعل بشكل رائع, صديقي واخي الغالي أسير انا لم يكن لدي مانع بطرح سؤالك لكن يا صديقي واخي لقد خرج لسؤال على نطاقه ,, أخي أسير نحن أسره واحده جميلة ومميزه وانا لكي أحافظ على هذا التفاعل ولتفادي بعض الامور التي نحن بغنى عنها لقد تم تغير نمط النقاش وانت وبكل ثقة مني خوفك على المنتدى وعلى أعضاء المنتدى كبير لدرجه عمياء
وسوفَ نطرح سؤالك بعد الرد والانتهاء من سؤال الصديقه زهرة اللوتس .
أخي أسير بكل حب وشوق ننتظر منك مشاركتنا واعطاء رايك الرائع القيم المنتظر(نحن ننتظرك) .....
طبعا" هذا الكلام موجه من أخ وليسَ من مدير المنتدى أحترامي وتقدير لك ولجميع اعضاء هذا المنتدى الرائع .

اصدقائي دعونا نكمل النقاش والحوار ورد على سؤال الصديقه زهرة اللوتس ,وسوفَ أترك لكم المجال في الرد.
تحياتي وأحترامي لكم جميعا"

الأخوة جميعا
كما قال أخي سليمان
" يجمعنا هنا شعور أخوي و نحن أسرة واحدة واعية مثقفة فدعونا نكمل الصورة ونزينها بتفاعل رائع "
شكرا سليمان ودعونا نعود للموضوع ولزهرة اللوتس

الأخوة جميعا
كما قال أخي سليمان
" يجمعنا هنا شعور أخوي و نحن أسرة واحدة واعية مثقفة فدعونا نكمل الصورة ونزينها بتفاعل رائع "
شكرا سليمان ودعونا نعود للموضوع ولزهرة اللوتس

اقتباس :: زهرة اللوتس كتبت :

مرحبا صبايا وشباب المنتدى
أنا رح اطرح سؤال وبتمنى من الشباب جواب صريح وواقعي وبتمنى يقول ألي بقلبن لأن أنا بصراحة متحيرة وحابي أسمع جواب من شباب مختلفة واعمار مختلفة

فرضاُ يا شباب حبيتو بنت وحب حقيقي مو تبع هات ايدك ولحقني حب صادق من كل قلبكن
وبعد قصة حب دامت فترة من الزمن والبنت كانت حاطة كل ثقتها فيكن وانكن ما رح تخدعوا
انت يا شب الزمن والقدر لعب لعبتوا ووقع الأختيار بين حبيبتك وأهلك
مين بتختار وبصراحة

صديقتي زهرة اللوتس

برأيي المتواضع أن الحب القائم على ركائز ودعائم من العقل هو الحب الذي يكتب له العيش والبقاااء وكثيرة هي القصص والروايات التي تودي بالمحبين إلى مفترق طرق لأنها قائمة على أسس قلبية وليست عقلية

ما أريد الوصول إليه هو أنه على الشاب في هذه الحالة أن يحكم عقله ليس ليختار بين الـ 2 لااا

يستخدم العقل ليوجد حلا للمكشلة ويستطيع الوصول لعقلية وقلب أهله ويقنعهم لأن المشكلة عندهم في اختياره للفتاة هذا هو الخيار اللأسلم للخروج --- بنتائج إيجابية

أما حسب سؤالك فسنخرج بنتيجة سلبية بالتأكيد وهي خسارة أحد الطرفين

وأنا أقول سأختار أهلي لأنهم الأصل والأساس وبدون رضاهم لم ولن يستمر حبي لأي فتاة بالعالم بل العكس

ومثل ما منقول يلي ما فيه خير لأهله .... ما في خير للناس وحتى لو كانت حبيبته

عذرااااااااااااااا للإطالة يا زهرتنا

تقبلي تحياتي

صديقتي زهرة اللوتس
أنا لي رأي مخالف تماماً يمكن مخالف لرأي الشباب والبنات أيضاً
أنا برأيي إن الحب شيء عظيم ومقدّس بين اثنين أحبا بعضهما لدرجة العشق
لكن حب الشخص لأهله (برأيي طبعاً) مقدّس أكثر
ومن واجب الشخص الذي يختار بين أهله وبين حبيبته أن يفكّر بكل تأني لأن الموضوع غير سهل اطلاقاً وأنا دائماً أقول " يلي ما إلو أمانة لأهله ما إلو أمانة لأي شخص إطلاقاً حتى لحبيبته "
لذلك ليس من الشرط التخلي عن أحدهما وأنا ما بقبل إذا كنت بهالموقف يجب الاتجاه إلى العقل وأقناع الطرفان بذلك ويلي بيجي من الله يا محلاه
لي متابعة دائمة معكم

اخواني واخواتي أعضاء المنتدى الغالي روح السويداء
3 شغلات بدي احكي فيها ...

من البداية هدفنا كان ولا زال الرقي بالمنتدى ..بكل مرافقه
والحمدلله كلنا واعيين وفهمانين لدرجة انو التلاقي بيناتنا واضح وصريح ..
علاقاتنا مبنية ع الصداقة والمحبة والروح الأخوية ..
علاقتنا مبنية ع الإحترام المتبادل
إحترام الغير حتى لو إختلف معنا بوجهة النظر ..
وهالموضوع بنظري كثير مهم وموضوعي ..هللي بيفسح امامنا مجال النقاش البنّاء ..
وما في داعي يكون النقاش حاد لنفهم بعض صبايا وشباب
..
وانت خيي اسير وجودك مهم بيناتنا وما إلنا عنك غنى ..وهالشي ما في داعي نقلك أياه ..المفروض تحسه

بالنسبة لسؤالك مثلاً انا ما جاوبت لأنو سراب ربي يحميها إختصرت كل الكلام بإجابتها ..وما لقيت شي ضيفو ..ساعتها رح كون مثل اللي عميطحن مي!!
..

وبالنسبة لسؤالك زهرة رح قول بس ..انو الشاب فيه يحب اهله ويحب محبوبته .. ما في شرط هون للحب خيتا ..
مش المفروض فيه يختار واحد من الجهتين اهله او محبوبته ..أبداً ..!!!
المفروض يعرف يوفق بين الإثنين ..
وهذا اللي لازم يكون في كل الحالات ..
إحترام الأهل ومحبتهن شيء واجب وما فيه يتخلى عنهن ..وإحترامه ومحبته لمحبوبته شيء ثاني ..يعني ما في وجه للمقارنة ...

تحياااااااتي
واستمرواااا في النقااش

الأصدقاء الغوالي
مما تقدم من ردود فينا نشوف بوضوح أهمية دور العقل في التوفيق بين الطرفين
وهذا الحل سبق وطرحته للوصول لحل ايجابي ان صح التعبير وهو الخروج بوفاق بين حب الشب لأهله وحبه لحبيبته وعدم التفريط بها
وكمان فينا نقول شغلة يا زهرة اللوتس
إذا الشب على مستوى من الوعي والإدراك لما له ولما عليه وللظروف المحيطه به
ليه يبدا طريق فيه مصاعب , طبعا هذا إذا كان سبب الرفض للبنت من قبل الأهل واضح للعيان وفي سبب وجيه ممكن يتم وضع حدود للعلاقة وإنهائها قبل أن تصيل لربيع شبابها وتزهر مشاعر جياشة تحرم الشب والفتاة من القدرة على تحكيم العقل
أسير الغالي مجرد ظهورك بيننا يسرنا جميعا أخا وصديق غااالي أكيد
شباااااااااااااااب المنتدى
بنتظار ردودكم إذا فيه وجهات نظر أخرى غير المذكورة
تقبلو تحياتي جميــــــــــــــــعــــــــــــــــــــــا

انا اذا بدي اختار بين حبيبتي و اهلي
اكيد اكيد اكيد اكيد
ما بختار ولا واحد بينهم
انا كمان ما بختار الموت
بسافر بعيد عن اهلي و عن حبيبتي
شكرا الك زهرة الموضووووووووووووووع جدا مهم

زائر

مسا الخير
أجابي سريعة مني كرمال ماأدخل في النقاش الحاد

في مثل في الجبل بينقال الي بيشلح ثيابوا بيبرد

كلامي واضح ومختصر

تحياتي بصدد هذا الموضوع مو شرط ان يختار بين اهلو محبوبتو بس فيشي بيقول الي مالو خير لاهلو ما لو خير لحدا
وبعدين محبت الأهل بتختلف عن محبت المحبوبة واذا الواحد نشغل عن اهلو مو بالضرورة انو ما عاد بدوا اياهون او انو اختار حبيبتوا بس في مشاغل كتيرة بتخلي الواحد ينشغل عن أهلو مو كره بس مشاكل الحياة هي السبب وخصوصا اذا صار في زواج واولاد يعني هموم الحياة بتكفي

تحياتي

مساء الخير للجميع وشكراً كتير لهذه المناقشة الممتعة
أنا اعتقد وحسب مافهمت من جميع الأعضاء بأننا متفقين على شيء وهو
يلي مافي خير لأهلو ما فيه خير لأي مخلوق
وبما أن الاجابات واضحة منتمنى نكتفي بهالقدر منها
بس بدي قول شغلي للصديق زين أنو ردو يعتبر هروب من الواقع ولم أقتنع باجابتك صديقي
وعم ننتظر هلق سؤال الشباب ؟؟؟؟؟؟؟؟؟؟؟؟؟؟؟

صديقتي سراب والأصدقاء جميعا بما أني وصلت هنا ووجدت الموضوع بانتظار سؤال فسؤالي للصبايا هنا هو
إذا تعرضتي لسؤال من قبل الشاب المتقدم للارتباط بك حول إذا ما عشتي حالة حب حقيقية من قبل ... فهل ستردين بصدق ؟ وما هي توقعاتك لردود الفعل ؟ وهل إخفاء الجواب الصحيح برأيك بداية لعلاقة صحيحة ؟
تقبلو سؤالي جميعا بكل أخوية على أمل أن النقاش هادف وقائم على وعي وأخوة بيننا جميعا
شكرااااااااااااااا

مسا الخير سؤال حلو وحساس
الكل بالدنيا بدوا يحب وينحب ومافي شجرا إلا ماهزها الهوا وكل بنت اكيد مرتا بعلاقة حب واذا مو حابي رح تحب
والصراحة مع الشخص إلي رح يكون شريك حياتي واجب علي لبداية علاقة زواج صحيحة لأن اذا من البداية رح تخبي عليه رح تظل كل عمرها تخبي عليه اشيا اكبر من هيك
فالصراحة من البداي هي اساس والحب مش عيب بها الدنيا ومافي حدا إلا مابيغلط بس طبعاُ غلط عن غلط بيفرق اكيد كلامي واضح لأن البنت بتنجر ورا عواطفها وأيام ما بتفكر بعقل

أنا من حالي لشريك حياتي بخبروا عن كل شي بحياتي لأن ما في شي خاف منوا لأن الحب مش عيب
وشو ماكانت ردة فعلوا رح تضل اسهل من إنو يكتشف بعدين وتكون ردة الفعل قاسية
فبخبروا لشريك حياتي من الأول
من شان ما نام بين القبور وماشوف منامات وحشة

تقبل وجهة نظري

زهرة اللوتس

زهرة اللوتس
شكرااا للرد الوافي
لي عودة صديقتي للتعليق على الردود ولكن كالعادة هناك فضول للمزيد والمزيد من الردود يا صبايا
بتمنى المشاركة الهادفة الجريئة البنائة لنسمع ونستفيد

» حركات ا لبنات في الجوال
» كيف ترفعين ضغط الشباب ؟
» مقارنه بين الشباب و البنات
» أسماء الشباب حسب علم النفس
» الشباب وظاهرة التفكير السطحي

حببت أن أفتح متصفح اجتماعي نوعا ما و نسوي فيه عمليه ربط لعبارات و أمثله بواقعنا اللي نعيشه ,, وهل فعلا كل ما نسمعه نطبقه !

إن توفّر العوامل المسآعده لآكتساب الحقوق الانسانيه العامه وحقوق المراة خاصه أمر فرضه ديننا منذ …